Дар ҷаҳон зиёда аз 474 ҳазор ҳолати сирояти коронавирус ошкор шуд

Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 474 ҳазор афзоиш ёфта, аз 172,91 миллион гузашт, хабар медиҳад Созмони умумиҷаҳонии тандурустӣ (СУТ).

Ба ҳолати соати 10:00 (ба вақти Душанбе)-и 4 июн, ба СУТ дар бораи 172 910 966 сироятшуда ва 3 717 320 фавт маълумот расидааст. Шумораи гирифторони ин беморӣ шабонарӯзи охир 474 555 нафар ва фавтидагон 10 734 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 34 174 752. Баъд аз он Ҳиндустон (28 574 350), Бразилия (16 803 472), Франсия (5 694 076), Туркия (5 270 299), Россия (5 099 182), Британияи Кабир (4 499 878), Италия (4 225 163), Аргентина (3 884 447), Германия (3 701 690), Испания (3 693 012) ва Колумбия (3 488 046) қарор доранд.

Leave a Reply

Your email address will not be published. Required fields are marked *