Даври ниҳоии озмуни ҷумҳуриявии донишҷӯёни муассисаҳои таҳсилоти миёнаи касбии ҷумҳурӣ таҳти унвони “Рассоми беҳтарин” ва “Сарояндаи беҳтарин”Моҳи майи соли равон дар муассисаи давлатии таълимии Коллеҷи ҷумҳуриявии ҳунарҳои мардумии шаҳри Истаравшан баргузор гардид. Дар ин бора аз Вазорати фарҳанг ба радиои «Овози тоҷик» хабар доданд.
Дар маросими ҷамъбасти озмун муовини вазири маориф ва илми Ҷумҳурии Тоҷикистон Абдулхолиқзода Лутфия, сардори раёсати таҳсилоти ибтидоӣ ва миёнаи касбии Вазорати маориф ва илми Ҷумҳурии Тоҷикистон Довуд Ализода, муовини раиси шаҳри Истаравшан Фирӯза Муъминзода, намояндаи Кумитаи иҷроияи шаҳрии Ҳизби Халқии Демократии Тоҷикистон Муаззама Абдуваҳобова, ҳайати ҳакамон, устодону шогирдони муассисаҳои таҳсилоти миёнаи касбӣ иштирок доштанд.
Дар озмуни ҷумҳуриявии донишҷӯёни муассисаҳои таҳсилоти миёнаи касбӣ таҳти унвони “Рассоми беҳтарин” дар соли таҳсили 2022-2023, 6-нафар донишҷӯёни Муассисаи давлатии «Коллеҷи ҷумҳуриявии рассомии ба номи М.Олимов» иштирок намуда, ҷоизадори ин озмун гардиданд.
Муллоҷов Фаррухҷон аз рӯйи равияи «Санъати ороиши амалӣ» сазовори ҷои 1-ум, Юлдошова Зуҳал аз рӯйи равияи «Бофандагии бадеӣ» сазовори ҷои 1-ум, Палвонов Саҳобиддин аз рӯйи равияи «Графика» сазовори ҷои 1-ум, Ганҷинаи Зафарӣ аз рӯйи равияи «Зебосозии либос ва матоъ» сазовори ҷои 1-ум, Қосимов Одилҷон аз рӯйи равияи «Рассомӣ» сазовори ҷои 2-юм, Бойматов Алишер аз рӯйи равияи «Коркарди бадеии чӯб» сазовори ҷои 2-юм шуданд.
Инчунин аз миёни муассисаҳои таҳсилоти миёнаи касбӣ Муассисаи давлатии «Коллеҷи ҷумҳуриявии рассомии ба номи М.Олимов», сазовири ҷои 1-ум гардид.
АХБОРИ МОНАНД:
Шумораи нахустини маҷаллаи адабӣ, илмӣ ва фарҳангии «Дурдонаи Шарқ» дар Самарқанд бо забони тоҷикӣ нашр шуд
Баргузориии Рӯзҳои фарҳангии Тоҷикистон дар Покистон ва Эрон
Ёдгориҳои таърихию фарҳангии Тоҷикистон ба феҳристи мероси фарҳангии моддии ИСЕСКО шомил шуданд (ШАРҲИ ПУРРА)
Намоишномаи “Ишқи ман-тақдири ман”-и ҳунармандони Узбекистон дар саҳнаи Тоҷикистон намоиш дода мешавад
