Бо ташаббуси Сафорати Тоҷикистон дар Олмон ҷашни хуҷастаи Наврӯзи байналмилалӣ бо иштироки ҳамватанони бурунмарзӣ ва ҷамъияти тоҷикистониён таҷлил карда шуд. Сафири Тоҷикистон дар Олмон Имомуддин Сатторов дар сухани шодбошӣ ҳозиринро бо фарорасии Наврӯзи фаррухпай ва оғози соли нави аҷдодӣ табрик намуд, хабар медиҳад радиои «Овози тоҷик» дар такя ба Сафорати Ҷумҳурии Тоҷикистон дар Олмон.
Зикр шуд, ки Наврӯз барои сарҷамъии тоҷикони бурунмарзӣ, эҳтирому арҷгузорӣ ба арзишҳои миллӣ, инчунин муаррифии ҳарчи бештари фарҳанги волои тоҷикон дар кишвари иқомат муҳим мебошад.
Бинобар ин, аз ҳамватанон даъват ба амал оварда шуд, ки дар рушду ободии Тоҷикистон ва баланд бардоштани симои мусбати он ҳиссагузор бошанд.
Ҳамзамон, ба ҷамъомадагон дастурхони идонаи наврӯзӣ густурда шуд.
АХБОРИ МОНАНД:
Шумораи нахустини маҷаллаи адабӣ, илмӣ ва фарҳангии «Дурдонаи Шарқ» дар Самарқанд бо забони тоҷикӣ нашр шуд
Баргузориии Рӯзҳои фарҳангии Тоҷикистон дар Покистон ва Эрон
Ёдгориҳои таърихию фарҳангии Тоҷикистон ба феҳристи мероси фарҳангии моддии ИСЕСКО шомил шуданд (ШАРҲИ ПУРРА)
Намоишномаи “Ишқи ман-тақдири ман”-и ҳунармандони Узбекистон дар саҳнаи Тоҷикистон намоиш дода мешавад
