Саннаи 29 майи соли 2023 вазири маориф ва илм Раҳим Саидзода дар толори Вазорати маориф ва илми Ҷумҳурии Тоҷикистон бо роҳбари Намояндагии хазинаи кӯдакони СММ (ЮНИСЕФ) дар Тоҷикистон Осама Маккави вохӯрӣ намуданд. Дар ин бора аз Маркази матбуотии Вазорати маориф ва илми Ҷумҳурии Тоҷикистон ба радиои «Овози тоҷик» хабар доданд.Зимни вохурӣ Раҳим Саидзода аз рушди ҳамкориҳо миёни Ҷумҳурии Тоҷикистон ва Хазинаи кӯдакони СММ (ЮНИСЕФ) изҳори қаноатмандӣ намуда, қайд кард, ки Хазинаи кўдакони СММ (ЮНИСЕФ) дар Тоҷикистон аз соли 1993 инҷониб фаъолият менамояд ва яке аз шарикони асосии рушди соҳаи маориф ба шумор меравад.
Вазири маориф ва илм иброз дошт, ки вохӯрии имрӯза дар рушду тавсеаи ҳамкориҳо, махсусан, амалисозии лоиҳаҳо дар соҳаи маориф ва илм саҳми арзанда хоҳад гузошт.
Ҳамчунин Осама Маккави иброз намуд, ки Хазинаи кӯдакони СММ (ЮНИСЕФ) ҳамеша ҷиҳати рушди ҳамкориҳо ва иҷрои лоиҳаҳои муштарак бо Вазорати маориф ва илми Ҷумҳурии Тоҷикистон омода аст.
АХБОРИ МОНАНД:
ДМТ: Устодон барои табодули таҷриба ба хориҷ мераванд
Хонандагони тоҷик дар олимпиадаи байналмилалӣ сазовори 1058 ҷойи ифтихорӣ шуданд
Шарҳи Амри Президенти Ҷумҳурии Тоҷикистон доир ба баргузории Озмуни ҷумҳуриявии ««Тоҷикон» — оинаи таърихи миллат» дар соли 2023
Хушқадамова Омина ғолиби олимпиада дар самти идоракунии захираҳои обӣ шуд
