Рӯзҳои 19-20 июн дар шаҳри Душанбе Форуми сармоягузории Тоҷикистону Корея баргузор мегардад. Дар ин бора ба радиои”Овози тоҷик” аз Кумитаи давлатии сармоягузорӣ ва идораи амволи давлатӣ хабар доданд.
Ҳадаф аз баргузории Форум ҷалб намудани сармоягузорон ва соҳибкорони Корея ба иқтисоди Тоҷикистон ва ба роҳ мондани ҳамкориҳо дар соҳаҳои гуногуни сармоягузорию иқтисодӣ дар кишвар мебошад.
Дар доираи Форум ҳамчунин вохӯриҳои дуҷониба дар қолаби B2B баргузор мегардад, ки дар он намояндаҳои Палатаи Савдо ва саноат, Вазорати рушди иқтисод ва савдо , Сафорати Корея дар тоҷикистон ва дигар доираҳои соҳибкорӣ иштирок менамоянд.
Дар поёни Форум як чанд санади ҳамкорӣ миёни Тоҷикистон ва Корея ба имзо хоҳад расид.
Дар ҳошияи Форум соҳибкорони кореягӣ ба хотири ошноӣ пайдо кардан бо фазои сармоягузорӣ дар Тоҷикистон аз корхонаҳои саноатии Тоҷикистон ва дигар лоиҳаҳои татбиқшаванда дар ин самт дидан менамоянд.
АХБОРИ МОНАНД:
Иштироки ҳайати Тоҷикистон дар Форуми байналмилалии волонтёрони Осиёи Марказӣ
«Бехатарии обӣ – асоси рушди устувор»- таҳти ин унвон дар Душанбе Конференсияи байналмилалии илмӣ-амалӣ доир мешавад
КТР барои қабули овозхонон ва мутрибон озмун эълон менамояд
То ба имрӯз дар ҷумҳурӣ 9500 тонна пахта ҷамъоварӣ гардид. Имсол ҳосили он ба 425000 тонна расонида мешавад
