![Дидори Сироҷиддин Муҳриддин бо дабири кулли САҲА](https://vot.tj/tj/wp-content/uploads/2023/09/20.09.2023.11.14-850x560.jpg)
19 сентябри соли 2023 вазири корҳои хориҷии Ҷумҳурии Тоҷикистон Сироҷиддин Муҳриддин дар ҳошияи Мубоҳисаҳои умумии иҷлоси 78-уми Маҷмаи Умумии Созмони Милали Муттаҳид дар ш. Ню-Йорк бо дабири кулли Созмони амният ва ҳамкорӣ дар Аврупо Ҳелга Шмид вохӯрӣ намуд. Дар ин бора радиои «Овози тоҷик» дар истинод ба Вазорати корҳои хориҷии Ҷумҳурии Тоҷикистон хабар медиҳад.
Дар рафти мулоқот ҷонибҳо масъалаҳои рушди муносибатҳои Тоҷикистону САҲА-ро дар чаҳорчӯби се ченаки ҳамкорӣ – низомӣ-сиёсӣ, иқтисодӣ-муҳитизистӣ ва инсонӣ мавриди баррасӣ қарор доданд.
Ҷонибҳо ҳамчунин роҷеъ ба вазъ дар минтақа ва Афғонистон, мубориза бо терроризм, ҳамкорӣ дар масъалаҳои обу иқлим табодули назар намуданд.