Муборак бин Абдураҳмон Ал-Наср, сафири Давлати Қатар дар Ҷумҳурии Тоҷикистон гуфт, ки сафари Ҷаноби Олӣ Эмомалӣ Раҳмон, Президенти Ҷумҳурии Тоҷикистон ба Давҳа имзои созишномаҳои навро миёни ду кишвар дар бахшҳои тиҷорат, саноеъ ва сармоягузорӣ дар пай дорад .
Бо ишора ба он, ки ҷониби Тоҷикистон дар назар аст ба Қатар лоиҳаҳои сармоягузорӣ дар соҳаи ояндадори нерӯи барқи обиро пешниҳод кунад сафири Қатар дар як изҳороти вижа ба хабаргузории (QNA) афзуд, ки эҳтимол меравад, бар иловаи баррасии ҳамкориҳо, барҷастатарин масоили доғе, ки имрӯз дар садри саҳна қарор доранд, ба мисли вазъи Ховари Миёна мавриди баррасӣ қарор бигирад.
Дар робита ба муносибатҳои Қатар ва Тоҷикистон ӯ тавзеҳ дод, ки робитаҳои дуҷонибаи ду кишвар ба марҳалаи нав ворид шудааст, ки бо иҷрои тавофуқномаҳо, ки бахшҳои муҳимтаринро дар бар мегиранд, муаррифӣ мешавад, зеро интизор меравад, ин сафар боиси наздикшавии минбаъдаи ду кишвари дӯст шавад, ва чархи муносибатҳо ва ҳамкории ҳар ду мамлакатро ба пеш такон диҳад.
Дар ҳамин замина сафир қайд кард, ки миқёси муносибатҳои ду кишвар дар сатҳи олӣ буда, аз табодули чанд сафарҳои расмии сарони ду кишвар рӯ ба рушд ниҳод. Аз соли 2007 равобити дуҷониба миёни Қатар ва Тоҷикистон ба марҳалаи нави ҳамкориҳо ворид шуданд, ки зимни он сафари Ҷаноби Олӣ Президенти Ҷумҳурии Тоҷикистон Эмомалӣ Раҳмон ба Давлати Қатар ва сафари Амири Қатар Шайх Ҳамад бин Халифа Оли Сонӣ дар тобистон 2007 ба Тоҷикистон ва баъдан боздиди Аълоҳазрат Амир Шайх Тамим бин Ҳамад Оли Сонӣ ва ҳайати ҳамроҳони ӯ барои иштирок дар панҷумин нишасти Гурӯҳи тадбирҳои ҳамкорӣ ва бунёди Эътимод ба Осиё дар соли 2019 дар пойтахти Тоҷикистон , Душанбе баргузор шуда буд.
Вай зикр кард, ки охирини ин сафарҳо дар моҳи июни соли гузашта буд, ки Аълоҳазрат Шайх Тамим бин Ҳамад Оли Сонӣ дар доираи сафари худ ба кишварҳои Осиёи Марказӣ ба Тоҷикистон сафар карда, дар натиҷа 15 созишномаи нав оид ба ҳамкорӣ дар соҳаҳои гуногун бо Тоҷикистон ба имзо расид.
Дар робита ба самтҳои ҳамкорӣ, сафир ба QNA таъйид кард, ки соҳаи сармоягузорӣ барҷастатарин соҳаи ҳамкориҳои ду кишвар аст, зеро Давлати Қатар бо сармоягузории худ ба Тоҷикистон ҳамчун аввалин кишвари арабӣ дар соҳаи амволи ғайриманқул ворид шуд ва бо лоиҳаи «Диёри Душанбе», ки марҳилаи аввали раванди анҷомёбиро ба анҷом расонидааст.
Вай гуфт, ки тарҳи бунёди бузургтарин масҷид дар қалби Тоҷикистон, ки аз сӯи раҳбарияти ду кишвар моҳи июни соли гузашта ифтитоҳ шуда буд, яке аз намунаҳои муваффақи ҳамкориҳои Қатар ва Тоҷикистон аст ва гуфт, ин тарҳ ба рамзи ибодат ва сайёҳӣ аз ҷониби ҳар касе, ки ба Тоҷикистон сафар мекунад, баҳравар мегардад.
Сафири Давлати Қатар дар Тоҷикистон Муборак бин Абдурраҳмон Ал-Наср дар анҷоми изҳороти худ ба Хабаргузории Қатар (QNA) тавзеҳ дод, ки ҳамкориҳо тавассути дастгирии конфронсҳои байналмилалӣ дар соҳаи мубориза бар зидди терроризм ва об, ки Ҷумҳурии Тоҷикистон мизбони он аст, дар ҳоли рушд мебошад.
АХБОРИ МОНАНД:
Ҳайати ҳукуматии Тоҷикистон дар Анҷумани тиҷоратии EBRD дар Лондон ширкат варзид
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Иштироки Саъдӣ Каримзода дар ҷаласаи 7-уми вазирони кишоварзии кишварҳои узви Созмони ҳамкории иқтисодӣ
Тоҷикистону Фаронса роҳандозии мактаби синамонигорон дар соли 2023-ро баррасӣ намуданд
