Имрӯз дар маросими расмии ифтитоҳи “Рӯзҳои синамои кишварҳои узви Созмони ҳамкориҳои Шанхай” ва Анҷумани синамои кишварҳои узви Созмони ҳамкориҳои Шанхай дар шаҳри Тошкенти Узбекистон директори Муассисаи давлатии “Тоҷикфилм”-и Ҷумҳурии Тоҷикистон Маҳмадсаид Шоҳиён дар баробари дигар намояндагони расмӣ суханронӣ кард. Дар ин бора Дурдона Расулова, мухбири бахши узбекии радиои “Овози тоҷик” иттилоъ дод.
Ба зикри Дурдона, Маҳмадсаид Шоҳиён дар бораи лоиҳаи муштараки Тоҷикистону Узбекистон дар мавриди тавлиди филми таърихии “Ҷомӣ ва Навоӣ” сухан ронда, қайд кард, ки имсол дар моҳи март дар Ҷумҳурии Тоҷикистон рӯзҳои синамои Узбекистон баргузор шуда, чандин филмҳои узбекӣ дар доираи он ба бинандагони тоҷик намоиш дода шуданд, ки ба тамошобинони тоҷик писанд омаданд, аз ҷумла, филми маъруфи «Парвози 101-ум».
Тавре ки қаблан иттилоъ додем, Фестивали XIV байналмилалии синамо дар Тошканд “Дурдонаи Роҳи Абрешим” аз 13 то 18 сентябри соли ҷорӣ баргузор мешавад. Дар он зиёда аз 500 нафар киноматографистони 40 мамлакати чахон, аз чумла Казокистон, Киргизистон, Точикистон, Туркманистон иштирок доранд. Дар чорчӯби ҷашнвора 150 филми бадеӣ, ҳуҷҷатӣ ва кӯтоҳмуддат намоиш дода мешаванд.
