Имрӯз дар меҳмонхонаи Рӯмӣ воқеъ дар пойтахти кишвар ифтитоҳи Форуми байналмилалии ҷавонон ба кори худ оғоз бахшид. Дар ин бора Тахмина Амониён, хабарнигори радиои “Овози тоҷик” аз ҷараёни ин ҳамоиш хабар медиҳад.
Дар форуми мазкур, 120 нафар аз намояндаҳои ҷавонон, ташкилотҳои ҷавонони мамлакат ва кишварҳои Осиёи Миёна иштирок доранд.
Матлубахон Сатториён, муовини Сарвазири кишвар ин ҳамоишро ифтитоҳ намуда, аз дастгириҳои пайвастаи ҳукумати кишвар ва нақши ҷавонон дар рушди ҷомеа сухан гуфт. Ҳамзамон Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Раҳмонзода Абдулло дар хусуси нақши ин нишаст дар ҳамбастагии ҷавонони кишварҳои Осиёи Миёна ва дӯстӣ миёни кишварҳои Осёи миёна сухан гуфт.
Дар ин миён ҳамзамон ба барандагони ҷоизаи мусобиқаи контенти беҳтарин аз рӯи лоиҳаи “Сафирони иродаи неки QLEVER барои Тоҷикистони осоишта” ва дар чорчубаи амалигардонии Стратегияи миллӣ оид ба пешгирии терроризм ва экстремизм, ифтихорномаву шаҳодатномаҳо тақдим карда шуд.
Мавриди зикр аст, ки форуми мазкур то 14-уми июл идома меёбад. Ҷавони иштирокдори Форум аз мавзеъҳоитаърихӣ ва дидании кишвар , аз он ҷумла, Турсунзода, Ҳисор ва дигар минтақаҳои кишвар боздид менамоянд.
АХБОРИ МОНАНД:
Иштироки ҳайати Тоҷикистон дар Форуми байналмилалии волонтёрони Осиёи Марказӣ
«Бехатарии обӣ – асоси рушди устувор»- таҳти ин унвон дар Душанбе Конференсияи байналмилалии илмӣ-амалӣ доир мешавад
КТР барои қабули овозхонон ва мутрибон озмун эълон менамояд
То ба имрӯз дар ҷумҳурӣ 9500 тонна пахта ҷамъоварӣ гардид. Имсол ҳосили он ба 425000 тонна расонида мешавад
