Имрӯз дар Душанбе Конфронси II байналмилалии илмӣ-амалии «Аз Волга то Ганга тавассути Мовароуннаҳр» ба кори худ оғоз кард. Дар ин бора хабарнигори радиои “Овози тоҷик” Тахмина Амониён хабар медиҳад.
Конфронсро муовини президенти Академияи миллии илмҳои Тоҷикистон Муҳаммад Абдураҳмон ифтитоҳ намуда, ба ҳамаи иштирокдорон дар бораи рушди муносибатҳои байналмилалии Тоҷикистон бо тамоми кишварҳои Осиёи Марказӣ суханронӣ кард.
Ёдовар мешавем, ки барои ширкат дар ин конфронс беш аз 20 нафар мутахассисону коршиносони варзида аз Русия, кишварҳои Осиёи Марказӣ ва Ҷанубӣ, кишварҳои шарики муколама ва номзадҳо ба узвият дар Созмони ҳамкории Шанхай, инчунин аз дигар кишварҳои манфиатдори минтақа даъват шудаанд.
Мавриди зикр аст, ки рӯзҳои 20-21 октябр Бунёди миллии «Роҳи абрешим-Роҳи муттаҳид» дар якҷоягӣ бо Донишгоҳи миллии Тоҷикистон ва Пажӯҳишгоҳи Осиё ва Аврупои Академияи илмҳои Тоҷикистон бо дастгирии Хазинаи Горчаков, бахшида ба масъалаҳои ҳамкорӣ дар фазои Авруосиё дар соҳаҳои гуногун чорабинӣ баргузор мекунад.
АХБОРИ МОНАНД:
Ҳайати ҳукуматии Тоҷикистон дар Анҷумани тиҷоратии EBRD дар Лондон ширкат варзид
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Иштироки Саъдӣ Каримзода дар ҷаласаи 7-уми вазирони кишоварзии кишварҳои узви Созмони ҳамкории иқтисодӣ
Тоҷикистону Фаронса роҳандозии мактаби синамонигорон дар соли 2023-ро баррасӣ намуданд
