Сафари хабарнигорон ва рӯзноманигорони тоҷик дар Эрон дар Донишкадаи расонаи хабаргузории Форс идома ёфт. Тибқи иттилои хабарнигории радиои » Овози тоҷик» Малвина Хушқадам зимни боздиди ҳайати меҳмонони тоҷик аз ин донишкада бо фаъолияти он аз наздик шинос шуданд.
Алиризо Тоҳирӣ муовини мудири Донишкадаи хабаргузории Форс аз таърих ва фаолияти ин донишкада ба хабарнигорон маълумоте чанд пешкаш намуда, шаклу услуб ва хабарнависиву тадвини барномаҳоро ба эшон ироа намуд.
Номбурда зикр намуд, ки аз таъсиси Донишкадаи хабаргузории Форс 22 сол сипарӣ мешавад, ки дар он 15 бошгоҳи тавоно таъсис дода шудааст.
Донишкадаи расонаи хабаргузории «Форс» 880 донишҷӯ дорад ва баъд аз хатми ин донишкада донишҷӯён фаъолияти худро дар расонаҳои мӯътабар ба сурати ҳирфаӣ идома медиҳанд.
Алиризо зикр намуд, ки хабаргузории «Форс»сабки хабарнависии худро дорад ва дар заминаи пажӯҳиш ва омӯзиш панҷ риштаи хабарнигорӣ, аккосии хабарӣ, гуяндагии хабарӣ, муҷригарии хабарӣ ва тадвинро дар ин ҷо меомӯзанд.
Дар поёни дидор хабарнигорони тоҷик бо роҳбарият донишкадаи мазкур табодул андеша сурат гирифт.
АХБОРИ МОНАНД:
Ҳайати ҳукуматии Тоҷикистон дар Анҷумани тиҷоратии EBRD дар Лондон ширкат варзид
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Иштироки Саъдӣ Каримзода дар ҷаласаи 7-уми вазирони кишоварзии кишварҳои узви Созмони ҳамкории иқтисодӣ
Тоҷикистону Фаронса роҳандозии мактаби синамонигорон дар соли 2023-ро баррасӣ намуданд
