20-21 декабри соли 2023 дар шаҳри бостонии Хуҷанд давраи омӯзишӣ таҳти унвони “Таҷдиди Феҳристи муқаддамотӣ ва арзёбии вазъи нигаҳдории ёдгориҳо бо истифода аз тарзу усулҳои пешрафтаи ҳуҷҷатикунонӣ” дар асоси лоиҳаи “Барномаи иштироки ЮНЕСКО” баргузор гардид.
Ҳадаф аз баргузории давраи омӯзишии мазкур бознигарии ёдгориҳои миллии Ҷумҳурии Тоҷикистон, ки дар Феҳристи муқаддамотии ЮНЕСКО қарор доранд ва арзёбии вазъи онҳо, инчунин таҳкими иқтидори институтсионалии кишвар дар самти ҳифзи ёдгориҳои фарҳангӣ ва баланд бардоштани савияи дониш ва малакаи коршиносону мутахассиони маҳаллӣ нисбат ба абзорҳои дар конвенсияи дахлдори ЮНЕСКО пешбинишуда мебошад.
Дар чорабинии мазкур 20 коршиноси маҳаллӣ аз ҳисоби мутахассисони соҳаи фарҳанг ва осорхонаҳои ва шаҳру навоҳии вилояти Суғд иштирок дорад.
Бо мақсади дар сатҳи шоиста гузаронидани чорабинӣ мутахассисони баландихтисос аз Институти байналмилалии тадқиқоти Осиёи Марказӣ (ш.Самарқанд) ва коршиносони маҳаллӣ ҷалб шудаанд.
АХБОРИ МОНАНД:
Ҳайати ҳукуматии Тоҷикистон дар Анҷумани тиҷоратии EBRD дар Лондон ширкат варзид
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Иштироки Саъдӣ Каримзода дар ҷаласаи 7-уми вазирони кишоварзии кишварҳои узви Созмони ҳамкории иқтисодӣ
Тоҷикистону Фаронса роҳандозии мактаби синамонигорон дар соли 2023-ро баррасӣ намуданд
