4-8 сентябри соли 2022 бо мусоидати Сафорати Тоҷикистон дар Анқара ва дигар вазорату идораҳои Тоҷикистону Туркия ҳайати тиҷоратии шаҳри Конияи Туркия ҷиҳати дарёфти роҳҳои нави тақвияти ҳамкориҳои иқтисодию тиҷоратӣ ба Тоҷикистон сафарбар гардид.Дар ин бора радиои «Овози тоҷик» дар истинод ба Сафорати Тоҷикистон дар Туркия хабар медиҳад.
Дар назар аст, ки зимни сафар ҳайати болозикр бо роҳбарияти вазорату идораҳо, мақомоти иҷроияи ҳокимияти давлатии шаҳру ноҳияҳо ва Палатаи савдои Тоҷикистон мулоқот анҷом дода, дар шаҳри Душанбе, Кӯлоб ва ноҳияи Данғара вохӯриҳоро дар сиғаи “В2В” баргузор намояд.
Ҳамзамон, тибқи барномаи сафар боздид аз корхонаҳои саноатӣ ва минтақаҳои озоди иқтисодии кишвар пешбинӣ шудаст.
