Рӯзҳои 11-18 сентябри соли 2022 сафари ҳайати ҳукуматию тиҷоратии вилояти Хатлон, таҳти роҳбарии раиси вилоят Қурбон Ҳакимзода ба Ҷумҳурии Туркия ҷиҳати ба роҳ мондани ҳамкориҳои судманд, густариш додани муносибатҳои тиҷоративу иқтисодӣ бо минтақаю шаҳрҳои Газиантеп, Қаҳраманмараш, Бурса ва Истанбул сурат гирифт. Дар ин бора мухбири радиои “Овози тоҷик” Мирсаиди Хайрулло дар такя ба сомонаи расмии Сафорати Ҷумҳурии Тоҷикистон дар Туркия иттилоъ дод.
Зимни сафари корӣ ҳайати вилояти Хатлон аз корхонаҳои саноатӣ, аз ҷумла корхонаву коргоҳҳои нассоҷӣ, қолинбофӣ, пойафзолдӯзӣ, истеҳсоли мебел, истеҳсоли маҳсулоти хурокворӣ ва коркарди ашёи хоми гуногун боздид ба амал оварда, таҷрибаи Туркияро дар самти ташкили минтақаҳои саноатӣ дар оянда мавриди омӯзиш қарор медиҳад.
Дар назар аст, ки дар доираи сафари мазкур вохӯриҳо бо роҳбарияти минтақаҳои болозикр, инчунин дар шаҳрҳои Қаҳраманмараш ва Истанбул нишастҳои корӣ бо соҳибкорон ва дар шаҳрҳои Газиантеп ва Бурса “Бизнес Форуми байниминтақавии вилояти Хатлони Тоҷикистон ва минтақаҳои Туркия бо дарназардошти мулоқотҳои тиҷоратӣ дар шакли В2В байни ширкатҳои тоҷикию туркӣ ҷиҳати ба роҳ мондани ҳамкории мутақобилан судманд баргузор гардад.
