Иштирокчиёни Конфронси байналмилалии сатҳи баланд таҳти унвони “Ҳамкории байналмилалӣ ва минтақавӣ оид ба амният ва мудирияти сарҳад ҷиҳати муқовимат ба терроризм ва пешгирӣ аз ҳаракати террористҳо” ба Осорхонаи миллии Тоҷикистон ташриф оварданд. Дар ин бора сомонаи расмии Осорхонаи миллии Тоҷикистон хабар дод.
Сайри осорхонавии меҳмонон аз харитаи “Ёдгориҳои таърихии Тоҷикистон” оғоз гардид.
Иштирокчиён аз толорҳои намоишии Осорхона аз қабили «Ҳахоманишиҳо», «Сосониён», «Панҷакенти қадим», «Бунҷикат», гӯшаи «Фарҳанги исломӣ», «Дайри Будоии Аҷинатеппа», «Сомониён», «Сиккаҳо», инчунин толорҳои намоишии шуъбаи таърихи нав ва навтарин дидан карданд.
Ёдовар мешавем, ки Конфронси байналмилалии сатҳи баланд таҳти унвони “Ҳамкории байналмилалӣ ва минтақавӣ оид ба амният ва мудирияти сарҳад ҷиҳати муқовимат ба терроризм ва пешгирӣ аз ҳаракати террористҳо” 18-19 октябр дар шаҳри Душанбе ҷаарён гирифта, дар он намояндагони зиёда аз 50 кишвари узви Созмони Милали Муттаҳид ширкат намуданд.
