Дастаи мунтахаби футзали Тоҷикистон таҳти раҳбарии сармураббӣ Пайрав Воҳидов дар бозии дувуми дӯстона аз тими Русия шикаст хӯрд ва ҷониби меҳмон бо ҳамин «қассос»-и бохти аввали худро гирифт.
Дар Қасри теннис ва намудҳои варзиши обии Маҷмааи универсалии варзишии шаҳри Душанбе бозии дувуми дӯстона миёни тимҳои миллии футзали Тоҷикистон ва Русия доир гардид.
Дастаи Русия дар бозии дувум ҳушмандиву эҳтиёткорӣ нишон дод. Тими Русия дар бозии дувум аз чанд иштибоҳҳои тими Тоҷикистон истифода бурд. Хулоса ноиби қаҳрамони Аврупо ба дарвозаи тими Тоҷикистон 6 гол зад. Бозӣ бо ҳисоби 6 ба 2 ба фоидаи тими Русия анҷом ёфт.
Ёдовар мешавем, ки як рӯз пеш бозии аввалини дӯсти миёни тимҳои Русия ва Тоҷикистон баргузор шуда буд. Дар бозии аввал тими Тоҷикистон пирӯз шуда буд. Бозии аввал бар ҳисоби 10:7 ба ҳисоби Тоҷикистон анҷом ёфта буд.
АХБОРИ МОНАНД:
Нишасти матбуотӣ бахшида ба оғози Чемпионати CAFA-2022 миёни дастаҳои занона баргузор шуд
БОЗИҲОИ ҲАМБАСТАГИИ ИСЛОМӢ. Варзишгарони тоҷик дар рақобатҳои даставӣ оид ба гӯштини дзюдо барандаи медали биринҷӣ шуданд
Акмалиддин Каримов барандаи медали тиллои Чемпионати Харлампиев — 2022 шуд
Варзишгарони тоҷик барои иштирок дар Чемпионат ба Кувайт мераванд
