Дар шаҳри Москваи Федератсияи Русия ба хотири гиромидошти хотираи Анатолий Харлампиев Чемпионати ҷаҳон оид ба гӯштини самбо доир шуд, ки дар он Акмалиддин Каримов, варзишгари маъруфи тоҷик барандаи медали тилло ва Чемпиони ҷаҳон шуд. Дар ин бора Мирсаиди Хайрулло, хабарнигори радиои бурунамрзии “Овози тоҷик” дар такя ба расонаҳои русӣ хабар медиҳад.
Чемпионати мазкур яке аз бонуфузтарин мусобиқаҳои сатҳи ҷаҳон аст, ки ҳамасола ба хотири гиромидошти хотираи Асосгузори гӯштини навъи самбо баргузор мегардад.
Имсол дар сабқати мазкур беш аз 300 варзишгар аз 13 кишвари олам, чун Белорусия, Булғория, Арманистон, Баҳрайн, Гурҷистон, Юнон, Қазоқистон, Камерун, Қирғизистон, Молдовия, Русия, Руминия, Сербия, Тоҷикистон, Туркменистон ва Узбекистон иштирок намуданд. Мусобиқа давоми 2 рӯз идома ёфта, паҳлавони тоҷик тавонист қаҳрамони он шавад.
