16 феврал дастаи наврасони Тоҷикистон (U-17) дар доираи омодагӣ ба қисми ниҳоии Ҷоми Осиё-2025 дар мусобиқаи байналмилалии «Ҷоми рушд-2025», ки дар Минск ҷараён дорад, нахустин бозии худро анҷом дод.
Ҳарифи дастаи мо дар гурӯҳи «А» мунтахаби Беларус буд. Вохӯрӣ бо ғалабаи мизбонони мусобиқа – 1:0 хотима ёфт.
17 феврал тими наврасони Тоҷикистон (U-17) бо дастаи Академияи «Blockchain Sports»-и Бразилия бозӣ мекунад. Ин вохӯрӣ соати 15:20 ба вақти Душанбе оғоз мешавад.
Дар даври ниҳоии марҳилаи гурӯҳии мусобиқа рӯзи 19 феврал наврасони мо бо ҳамсолони худ аз Ӯзбекистон вомехӯранд.
