
Президенти Ангола Хосе Эдуарду Душ Сантуш, ки наздик ба чор даҳсола ё 38 сол ин давлати аз ҷиҳати сарватҳои табиӣ бойи Африқоро роҳбарӣ мекард, дар 79-солагӣ аз олам даргузашт, иттилоъ дод хабарнигори радиои “Овози тоҷик” дар такя ба хабаргузориҳои маҳаллӣ.
Ба зикри хабарнигор дар такя ба расонаҳо, Сантуш дар беморхонаи Барселонаи Испания, ки он ҷо баъди сактаи дил муолиҷа мегирифт, фавтид. Вай 23 июн баъди ба сактаи қалб дучор гаштанаш бистарӣ шуда буд. Ба гуфтаи табибон, дар ӯ мушкилоти неврологӣ низ пайдо гардида буд.