Фирӯз Мирзораҷабов, узви дастаи мунтахаби гуштини юнонӣ-римии кишвар дар Чемпионати Осиё миёни ҷавонон сазовори медали биринҷӣ шуд.
Тибқи иттилои Кумитаи миллии олимпии кишвар, Чемпионати Осиё оид ба гуштин миёни наврасон (U-15) ва ҷавонон (U-20) 2-юми июл дар шаҳри Манамаи Баҳрайн оғоз гардида, то 10-уми июл идома меёбад.
Фирӯз дар вазни -60кг қувваозмоиро аз чорякфинал оғоз карда, бар варзишгари Узбекистон Акмал Ҳамроев ғолиб омад, вале дар нимфинал аз намояндаи Қирғизистон Оқил Сулаймонов мағлуб гардид. Ӯ сипас дар қувваозмоӣ барои ҷои сеюм варзишгари Тайпейи Чин Йонг Сианг Суро шикаст дода, ҷои сеюми ифтихориро сазовор шуд.
Чемпионати Осиё миёни ҷавонон то 20-сола бо қувваозмоиҳо миёни бонувон ва писарон дар гуштини тарзи озод идома меёбад. Миёни писарон як варзишгари мо — Саидасан Ашрафхонов 10-уми июл дар вазни — 74кг гуштин мегирад
