Масъалаи фаъолгардонии зерминтақаи озоди иқтисодии «Ишкошим» дар маҳаллаи Теми шаҳри Хоруғ ва вусъат додани корҳои сохтмонӣ дар он ҷо зимни мулоқоти Вазири рушди иқтисод ва савдои Ҷумҳурии Тоҷикистон Завқӣ Завқизода ва Раиси Вилояти Мухтори Кӯҳистони Бадахшон Алишер Мирзонаботов баррасӣ шуд.
Тавре радиои “Овози тоҷик” дар такя ба Вазорати рушди иқтисоди Ҷумҳурии Тоҷикистон хабар медиҳад, Завқизода Завқизода зимни вохӯри баён намуд, ки таъсиси ҷойҳои нави корӣ, ҳалли саривақтии масъалаҳои мавҷудаи минтақаи озоди иқтисодии «Ишкошим», таъсиси корхонаҳои нави саноатӣ ва фароҳам овардани шароити мусоид барои ҷалби бештари сармояи дохилию хориҷӣ, таъсиси зерминтақаи озоди иқтисодии «Тем» муҳиму саривақтӣ мебошад.
Гуфта шуд, ки ҷиҳати таъсиси зерминтақаи озоди иқтисодии «Тем» корҳо бомаром идома дошта, айни замон лоиҳаи санадҳои меъёрии ҳуқуқӣ дар баррасии вазорату идораҳо қарор доранд.
Ба иттилои манбаъ, дар идомаи сафар Завқизода З. А. аз мавзеъи зерминтақаи озоди иқтисодии «Тем» дидан намуда, аз рафти корҳои иҷрошуда ҳисоботи роҳбари минтақаи озоди иқтисодии «Ишкошим» Тоҳирҷонзода Сураҷ шунида шуд.
Завқизода З. А. ба роҳбари минтақаи озоди иқтисодии «Ишкошим» ва масъулини соҳа супориш доданд, ки корҳо дар самти таъсиси зерминтақаи озоди иқтисодии «Тем» вусъат дода шуда, мушкилиҳои ҷойдошта дар кутоҳтарин муҳлат бартараф карда шаванд.
АХБОРИ МОНАНД:
Афғонистон ваъда дод, ки пули барқи Тоҷикистонро пардохт мекунад
Пули азими километри 267 — уми роҳи мошингарди Душанбе – Чаноқ ба истифода дода шуд
Палатаи ҳисоб зимни гузаронидани 89 чорабинии аудиторӣ 158,8 млн сомонӣ зарари молиявӣ муайян намуд
Содироти ангур аз Тоҷикистон ба Ҷопон ба роҳ монда мешавад
