Раиси вилояти Суғд Раҷаббой Аҳмадзода бо намояндаи Палатаи савдои Ҷопон дар Осиёи Марказӣ Накамура Дайсеки ва соҳибкори ҷопонӣ Чида Хикару мулоқот намуд. Зимни суҳбат ҷонибҳо густариши робитаҳои иқтисодӣ ва дурнамои ҳамкориҳои ду кишварро баррасӣ намуданд. Дар ин бора Хадамоти матбуоти Раиси вилоят хабар медиҳад.
Ҷонибҳо ҳамзамон ба масъалаи ташкили корхонаи коркарди партов дар шаҳри Хуҷанд таваҷҷуҳ зоҳир карданд.
Раиси вилоят иброз намуд, ки дар Тоҷикистон саноатикунонии мамлакат ҳадафи стратегӣ эълон гардида, ҷиҳати расидан ба он бо доираҳои тиҷоративу соҳибкории кишварҳои гуногун ҳамкорӣ густариш меёбад.
Вилояти Суғд дорои имконияти фаровон буда, доираҳои соҳибкории вилоят ҳавсманданд, ки якҷо бо шарикони рушд тарҳҳои муштарак амалӣ намоянд.
Накамура Дайсеки оид ба фаъолияти Палатаи савдои Ҷопон дар Осиёи Марказӣ маълумот дода, изҳори боварӣ намуд, ки соҳибкорони ду ҷониб дар оянда барои тақвияти робитаҳо аз тамоми имконот истифода мекунанд.
АХБОРИ МОНАНД:
Афғонистон ваъда дод, ки пули барқи Тоҷикистонро пардохт мекунад
Пули азими километри 267 — уми роҳи мошингарди Душанбе – Чаноқ ба истифода дода шуд
Палатаи ҳисоб зимни гузаронидани 89 чорабинии аудиторӣ 158,8 млн сомонӣ зарари молиявӣ муайян намуд
Содироти ангур аз Тоҷикистон ба Ҷопон ба роҳ монда мешавад
