Аз 8 то 10 сентябри соли равон дар шаҳри Нур-султони Ҷумҳурии Қазоқистон ҷаласаи навбатии Шӯро оид ба ҳамкориҳои фарҳангӣ ва намоиши байналмилалии «ART EXPO» — и давлатҳои иштирокчии Иттиҳоди Давлатҳои Мустақил баргузор мегардад. Дар ин бора Марям Холиқзода, корманди маркази матбуоти Вазорати фарҳанг ба радиои «Овози тоҷик» иттилоъ дод.
Намояндагони Ҷумҳурии Тоҷикистон зери роҳбарии мовини вазири фарҳанги Ҷумҳурии Тоҷикистон Шарифзода Манучеҳр Муртазо дар ин ҳамоиши фарҳангӣ иштирок доранд.
Намояндагони Ҷумҳурии Тоҷикистон — директори Театри давлатии академии опера ва балети Тоҷикистон ба номи С. Айнӣ Сайфиддинзода Камолиддин, директори Коллеҷи ҷумҳуриявии рассомии ба номи Мирзораҳмат Олимов Ҷурахонзода Сироҷиддин ва корманди Вазорати фарҳанг Каримова Салима дар ин чорабинии бошукӯҳи байналмилалӣ иштирок доранд.
