12 октябри соли 2022 корманди Намояндагии доимии Тоҷикистон дар СММ Таҳмина Ҳасанова дар Муҳокимаҳои Кумитаи дуюми Иҷлоси 77-уми Маҷмаи Умумии СММ оид ба рушди кишоварзӣ ва амнияти озуқаворӣ иштирок ва суханронӣ намуд.
Зимни баромад, Т.Ҳасанова аҳаммияти амнияти озуқаворӣ барои расидан ба Ҳадафҳои рушди устуворро таъкид карда, аз ҳадафи стратегии Тоҷикистон-таъмини амнияти озуқаворӣ ёдовар шуд. Инчунин, ба ҳозирин оид ба Нақшаи миллии низоми озуқавории Ҷумҳурии Тоҷикистон ҳамчун иқдоми кишвар барои татбиқи ҳадафҳои асосии Саммити низоми озуқаворӣ ва ҳалли масъалаҳои амнияти озуқаворӣ дар Тоҷикистон маълумот дода шуд.
