25 октябри соли 2022 дар шаҳри Бусан 15-умин Нишасти вазирони корҳои хориҷии Форуми ҳамкории «Осиёи Марказӣ — Ҷумҳурии Корея» баргузор гардид, ки дар он ҳайати Ҷумҳурии Тоҷикистон таҳти роҳбарии вазири корҳои хориҷӣ, Сироҷиддин Муҳриддин ширкат варзид.
Зимни суханронӣ, роҳбари ҳайати тоҷикистонӣ дидгоҳи кишварро роҷеъ ба тавсеаи ҳамкориҳои дуҷониба ва бисёрҷониба, таҳкими ҳамкорӣ ва рушди устувор дар ҳошияи ин абзори муассир баён намуд.
Равобити ҳасана бо Ҷумҳурии Корея, инчунин густариш ва таҳкими мушорикат бо кишварҳои Осиёи Марказӣ ҳамчун василаи муҳими тақвияти равобити бисёрҷониба таъкид карда шуд.
Дар ҳошияи Форуми ҳамкорӣ панҷ ҷаласаи тахассусӣ дар бахшҳои тандурустӣ, ҳамкории рақамӣ, амнияти иқтисодӣ, сайёҳӣ, муҳити зист ва энергетика дар шакли ҳузурӣ ва маҷозӣ баргузор гардиданд.
Иштирокчиёни ҳамоиш оид ба масоили мубрами рӯзномаи нишаст, рушди ҳамкориҳои мутақобилан судманд ва татбиқи лоиҳаҳои муштарак табодули афкор намуданд.
Дар фарҷоми ҷаласа, Изҳороти муштараки вазирони корҳои хориҷӣ ва Нақшаи кории Котиботи Форуми ҳамкории “Осиёи Марказӣ-Ҷумҳурии Корея” барои соли 2023 қабул гардид.
АХБОРИ МОНАНД:
Тоҷикистону Малайзия 30-умин солгарди барқароршавии равобити дипломатиро таҷлил намуданд
Мулоқоти Азим Иброҳим бо Котиби масъули Маркази байналмилалии дипломатияи нақлиётӣ
Мулоқоти муовини вазири корҳои хориҷии Ҷумҳурии Тоҷикистон бо раиси Гурӯҳи дӯстии парлумонии Эрон ва Тоҷикистон
Ҳайати Тоҷикистон барои таҷлили Рӯзи Самарқанд ба ин шаҳр рафт
