
Имрӯз маросими ифтитоҳии Ҳафтаи фарҳангии Ҷумҳурии Исломии Эрон бо иштироки вазирони фарҳанги Эрону Тоҷикистон, сафирони муқим, шахсиятҳои фарҳангӣ дар шаҳри Душанбе соати 17:00 дар Театри давлатии академии опера ва балети ба номи Садриддин Айнӣ, воқеъ дар хиёбони Рӯдакии шаҳри Душанбе баргузор мешавад. Дар ин бора Муҳсини Фараҳбар котиби матбуотии Сафорати Эрон дар Тоҷикистон ба радиои”Овози тоҷик хабар дод.
Мавриди зикр аст, ки Ҳафтаи фарҳангии Ҷумҳурии Исломии Эрон дар Тоҷикистон бо иҷрои барномаҳои гуногун аз ҷониби ҳунармандони барҷастаи эронӣ дар шаҳрҳои Хуҷанд, Бохтар, Кӯлоб ва Ҳисор дар назар дошта шудааст.
Меҳмонон ҳамчунин аз «Кохи Наврӯз», Китобхонаи миллии Тоҷикистон, маҷмааи «Истиқлол», Осорхонаи миллии Тоҷикистон ва дигар мавзеъҳои ҷолибу тамошобоби пойтахти мамлакат — шаҳри Душанбе боздид менамоянд.