Дар Истанбул масъалаҳои ба роҳ мондани ҳамкориҳои нав ва мубодилаи таҷриба байни Саноатсодиротбонк-и Тоҷикистон ва TürkEximbank-и Туркия баррасӣ шуданд, хабар медиҳад Сафорати Ҷумҳурии Тоҷикистон дар Туркия.
Нишасти кории ҳайати Саноатсодиротбонк-и Тоҷикистон ва коршиносону роҳбарияти TürkEximbank-и Туркия бо мусоидати Сафорати Ҷумҳурии Тоҷикистон дар Туркия баргузор шуда, ҷонибҳо вобаста ба фаъолияти бонкҳои дастгирикунандаи содирот мубодилаи афкор намуданд.
Дар нишаст асосан вобаста ба қарзҳои содиротӣ ва суғуртакунонии онҳо, инчунин имконияти ба роҳ мондани ҳамкориҳои судманд байни Саноатсодиротбонк ва TürkEximbank ибрози назар шуд.
