Кумаки навбатии башардӯстонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба мардуми Ҷумҳурии Исломии Покистон, ки дар натиҷаи офатҳои табиии селу обҳезиҳои шадид моҳҳои охир хисороти зиёди ҷонию иқтисодӣ дидаанд, дастрас гардид. Дар ин бора Сафорати Тоҷикистон дар Исломобод хабар дод.
Кумаки башардӯстона аз маводи ғизоӣ, сӯзишворӣ, масолеҳи сохтмонӣ ва маводи зарурии санитарию шустушўйӣ дар ҳаҷми қариб 5000 тонна, аз ҷумла аз 300 тонна орд, 20 ҳазор литр равғани растанӣ, 100 тонна гандуми истеъмолӣ, 100 тонна биринҷу макарон, 500 тонна оби нӯшокӣ, 1500 тонна ангиштсанг, 2000 тонна семент, 5000 дона шифер, 100 метри мукааб тахта ва беш аз 40 тонна собуни хоҷагӣ иборат буда, маблағи 19 миллиону 200 ҳазор сомониро ташкил медиҳад.
Бояд таъкид намуд, ки 1 декабр бо супориши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба мардуми Ҷумҳурии Исломии Покистон кумаки навбатии башардӯстона фиристода шуд.
Тибқи дастури Пешвои миллат сохторҳои дахлдори мамлакат барои то қаламрави Ҷумҳурии Исломии Покистон расонидани кумаки ҷудогардидаи башардӯстона вазифадор карда шуданд.
АХБОРИ МОНАНД:
Пешвои миллат Эмомалӣ Раҳмон ба истиқболи ҷашни 31-солагии Истиқлолият ба роҳбарону кормандони сохтору мақомоти ҳифзи ҳуқуқу тартибот, низомӣ ва судӣ мукофотҳои давлатӣ ва рутбаҳои навбатии ҳарбӣ супориданд
Барқияи табрикии Президенти Ҷумҳурии Тоҷикистон ба Президенти Ҷумҳурии Қазоқистон
Пешвои миллат Эмомалӣ Раҳмон бо Директори идории Хазинаи байналмилалии асъор (ХБА) Кристалина Георгиева мулоқот намуданд
Изҳороти муштарак аз натиҷаи сафари расмии Президенти Ҷумҳурии Тоҷикистон
