Бо қарори Президенти Узбекистон Шавкат Мирзиёев, вазири корҳои хориҷии ин кишвар Владимир Норов бо сабаби гузаштан ба кори дигар аз мақомаш барканор шуд. Норов баъди аз мақом рафтани вазири собиқ Абдулазиз Комилов апрели соли 2022 иҷрокунандаи вазифаи вазири корҳои хориҷии Узбекистон таъин шуд ва моҳи сентябри имсол дар мақомаш тасдиқ шуда буд.
Бо қарори дигари президент, ба мақоми иҷрокунандаи вазифаи вазири корҳои хориҷии Узбекистон Бахтиёр Саидов таъин шуд, ки аз ноябри соли 2021 дар мақоми вазири маориф кор мекард.
Саидов 41 сол дорад ва хатмкардаи Донишгоҳи иқтисодии шаҳри Тошканд аст. Пеш аз ин дар кабинаи вазирони Узбекистон ва вазорати сармоягузорӣ ва тиҷорати хориҷӣ кор мекард. Аз июли соли 2017 сафири Узбекистон дар Чин шуд. Инчунин дар мақоми сафири Узбекистон дар Муғулистон ва Филиппин кор кардааст.
