Суди дар шаҳри Остона 18-уми ноябр муҳлати ҳабси пешакии вазири собиқи фарҳанги Қазоқистон Аристонбек Муҳаммадиулиро як моҳи дигар дароз кардааст.
Вазири пешини қазоқ панҷ моҳ мешавад, ки бо гумони дуздии беш аз 140 миллион тангаи буҷа дар ҳабс аст.
Мақомоти мубориза бо коррупсияи Қазоқистон таҳқиқи фасодкории вазири пешинро рӯзи 16 майи соли ҷорӣ шуруъ кард. Суд ӯро рӯзи 28 май ба ҳабси пешакӣ гирифта буд.
Муҳаммадиулӣ аз соли 2014 то 2019 вазири фарҳанг ва варзиши Қазоқистон буд. Зарари эҳтимолии ба давлат расонидаи ӯ тақрибан 7 миллиард танга гуфта мешавад.
