Бо дархости ҷониби Қирғизистон 28 январ Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Ҷумҳурии Қирғизистон Жээнбек Кулубаев суҳбати телефонӣ анҷом дод. Дар ин бора Вазорати корҳои хориҷии Ҷумҳурии Тоҷикистон хабар дод.
Зимни суҳбат ҷонибҳо атрофи мавзӯъҳои мубрами ҳамкории Тоҷикистон ва Қирғизистон табодули назар карда, масоили омодагӣ ба чорабиниҳои дар соли 2023 дар сатҳи олӣ банақшагирифтаро баррасӣ намуданд.
