Гурӯҳи сайёҳони Ҷумҳурии Исломии Эрон иборат аз 60 нафар ба Осорхонаи миллии Тоҷикистон ташриф оварданд.
Бино ба иттилои Осорхонаи миллӣ, ба меҳмонон аз ҷониби роҳбаладони муассиса сайрҳои осорхонавӣ баргузор гардида, ба онҳо таъриху фарҳанги миллати тоҷик муаррифӣ карда шуд.
Сайёҳон бо табиати зебои кишвар, давраҳои пурифтихори таърихӣ дар мисоли осори аз ниёгон ба мерос монда, ки инъикосгари таърихи куҳан, фарҳанги пурғановат ва нақши миллати тоҷик дар тамаддуни ҷаҳонӣ мебошанд, шинос шуданд.
