Вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи 4-уми вазирони корҳои хориҷии мамлакатҳои ҳамсояи Афғонистон (гурӯҳи 6+1), ки 13 апрел дар Самарқанд баргузор гардид, иштирок намуд, хабар дод Вазорати корҳои хориҷии Ҷумҳурии Тоҷикистон.
Ба иттилои манбаъ, дар ҷаласа инчунин вазирони корҳои хориҷии Эрон, Покистон, Чин, Туркманистон, Узбекистон ва Русия иштирок намуданд.
Зимни вохӯрӣ ҷонибҳо вазъи кунунии сиёсӣ-низомӣ, иқтисодӣ-иҷтимоӣ, амниятӣ ва башарии Афғонистонро таҳти муҳокима қарор дода, оид ба роҳҳои расонидани кумаки зарурӣ ба мардуми ин кишвар табодули назар намуданд.
Дар фарҷоми нишаст Баёнияи муштараки вазирони корҳои хориҷии мамлакатҳои ҳамсояи Афғонистон қабул гардид.
АХБОРИ МОНАНД:
Ҳайати ҳукуматии Тоҷикистон дар Анҷумани тиҷоратии EBRD дар Лондон ширкат варзид
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Иштироки Саъдӣ Каримзода дар ҷаласаи 7-уми вазирони кишоварзии кишварҳои узви Созмони ҳамкории иқтисодӣ
Тоҷикистону Фаронса роҳандозии мактаби синамонигорон дар соли 2023-ро баррасӣ намуданд
