Тожикистон Республикаси Президенти Эмомали Раҳмон БМТ Бош котиби Антониу Гутерриш билан учрашди
8 ноябр куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Миср Араб Республикасининг Шарм-уш-Шайх шаҳрида Бирлашган Миллатлар Ташкилотининг Иқлим ўзгариши бўйича доиравий конвенцияси (КОП-27) иштирокчилари конференциясининг йигирма еттинчи сессиясида Бирлашган Миллатлар Ташкилоти Бош котиби Антониу Гутерриш билан учрашди.
Учрашувда Тожикистоннинг БМТ ва унинг институтлари билан ҳамкорлиги масалалари муҳокама қилинди.
Мамлакат Президенти, муҳтарам Эмомали Раҳмон томонлар ўртасидаги ҳамкорликнинг бугунги даражасидан мамнунлигини билдириб, Тожикистон БМТ ва унинг институтлари билан манфаатли алоқаларни давом эттириш ва янада кенгайтиришга тайёрлигини билдирди.
Таъкидланганидек, жорий йилда Тожикистоннинг БМТга аъзолиги 30 йилга якунланган бўлиб, шу вақт ичида мамлакатимиз барқарор ривожланиш ва давлатчилик асосларини мустаҳкамлаш йўлида салмоқли ютуқларга эришди.
Учрашувда барқарор ривожланиш мақсадларини амалга ошириш, замонавий хавф ва таҳдидларни бартараф этиш, юксак инсоний қадриятларни таъминлаш, замонавий хавф ва таҳдидларга самарали қаршилик кўрсатиш масалалари муҳокама қилинди. Афғонистондаги вазият ва унинг минтақага таъсири билан боғлиқ масала ҳам муҳокама қилинди.
Суҳбат чоғида ичимлик суви етишмаслиги, иқлим ўзгариши, музликларнинг эриши муаммоларини бартараф этиш борасидаги глобал ташаббуслари ва мамлакатимизнинг бошқа қимматли саъй-ҳаракатлари юзасидан ҳам фикр алмашилди.
Таъкидланганидек, сўнгги бир неча ўн йилликда Тожикистонда минглаб музликлар бутунлай эриб кетган. Табиий офатлар мамлакат иқтисодиётига 250 миллион долларлик молиявий ва моддий зарар етказди, кўп ҳолларда инсонлар қурбон бўлди.
Бирлашган Миллатлар Ташкилоти Бош котиби Тожикистон ва унинг раҳбарининг глобал муаммолар, айниқса, сув билан боғлиқ муаммолар ва асосий хавфсизлик масалаларини ҳал этишдаги етакчи ва асосий ролини таъкидлади.