15—18-ноябрь кунлари Германия Федератив Республикасининг Берлин шаҳрида ўлим жазосига қарши 8- Бутунжаҳон Конгресси бўлиб ўтди. Конгресс доирасида Тожикистон Республикаси Адлия вазири Музаффар Ашуриён Германия Федератив Республикаси Федерал ташқи ишлар вазири Анналена Бербок билан учрашди.
Учрашувда Анналена Бербок Тожикистон делегациясига тадбирда иштирок этгани учун миннатдорлик билдириб, келгусида икки томонлама муносабатлар янада кенгайишини таъкидлади. Бу ҳақда ушбу вазирликдан «Овози тоҷик» радиосига хабар берилди.
Музаффар Ашуриён Тожикистон Республикаси Президенти Эмомали Раҳмон томонидан 2004-йилда ўлим жазосига мораторий эълон қилинганидан кейин жиноят қонунчилигини инсонпарварлаштириш йўналишида эришилган ютуқлар ҳақида батафсил маълумот берди. Эълон қилинган пайтдан бошлаб кучга кирган мораторий ҳеч қандай муддат билан чекланмайди ва номаълум муддатга амал қилади.
Қайд этилишича, Тожикистон дунёнинг 123 давлати қаторида 2020-йил 16-декабрда БМТ Бош Ассамблеясининг “Ўлим жазосини қўллашга мораторий” резолюцияси қабул қилинишини қўллаб-қувватлаган.
Ўлим жазосига қарши Бутунжаҳон конгресси 90 мамлакатнинг 130 миллатдан ортиқ иштирокчиларни бирлаштирган фаолларнинг энг йирик платформасидир.