Тожикистон Республикаси Қуролли Кучлари ташкил этилганининг 30 йиллигига бағишланган тантанали йиғилишда Миллат пешвосининг иштироки
23 феврал куни Тинчлик ва миллий бирлик асосчиси – Миллат пешвоси, Тожикистон Республикаси Президенти мамлакат Қуролли Кучлари Олий Бош Қўмондони Эмомали Раҳмон Тожикистон Республикаси Қуролли Кучлари ташкил этилганининг 30-йиллигига бағишланган тантанали йиғилишда иштирок этди ва нутқ сўзлади.
Муҳтарам Президентимиз Эмомали Раҳмон, авваламбор, Тожикистон Республикаси Қуролли Кучлари ташкил топган кун муносабати билан барча ҳарбий тузилмалар ва ҳуқуқ-тартибот идоралари ҳарбий хизматчилари, шунингдек, ҳарбий хизмат фахрийларини табриклади.
Давлатимиз раҳбари мамлакатимиз Қуролли Кучлари ташкил этилганининг 30 йиллик тарихида ғоят оғир ва нозик иқтисодий, ҳарбий-сиёсий шароитда, оғир синовлардан ўтиб, уюшган ва ишончли ташкилотга, давлатимизнинг қудратли ҳимоячисига айлангани ҳақида гапирди.
Таъкидланганидек, Тожикистон Қуролли Кучлари мустақиллик давридан, унинг энг муҳим ютуқларидан бири саналиб, ташкил этилганининг илк кунлариданоқ уларга давлат суверенитетини ҳимоя қилишдек муқаддас ва шарафли вазифалар юклатилган.