7 июл бо ташаббуси Сафорати Ҷумҳурии Тоҷикистон дар Ҷумҳурии Федеративии Олмон дар толори «Lichthof»-и Вазорати федеролии корҳои хориҷии Олмон ҳамоиш бахшида ба 30-солагии истиқрори муносибатҳои дипломатӣ миёни Тоҷикистон ва Олмон баргузор гардид.
Дар ин маърака намояндагони вазорату идораҳои марбута, вакилони Бундестаг, роҳбарони корпуси дипломатии муқими Берлин, созмонҳои байналмилалӣ, доираҳои иқтисодӣ-тиҷоратӣ, илмӣ, собиқ сафирони Олмон дар Тоҷикистон, хабарнигорон ва ҳаммеҳанони бурунмарзӣ иштирок доштанд.
Сафири Тоҷикистон дар Олмон Имомудин Сатторов чорабиниро бо сухани муқаддимавӣ ҳусни оғоз бахшида, таваҷуҳи ҷамъомадагонро ба 30 соли рушди робитаҳои дипломатӣ ва дастовардҳои байни тарафҳо дар ин давра бадастомада ҷалб намуд.
Имомудин Сатторов нақши боризи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар таҳкиму тақвияти муносибатҳои дӯстӣ бо Олмон таъкид намуд. Ҳамчунин ба ташаббусҳои байналмилалии Тоҷикистон дар соҳаи таъмини амният, обу энергетика, ҳифзи муҳити зист, обшавӣ ва наҷоти пиряхҳо пешгирии паёмадҳои тағйирёбии иқлим тамаркуз карда шуд.
Сардори Раёсати кишварҳои Қафқози Ҷанубӣ ва Осиёи Марказии Вазорати федеролии корҳои хориҷии Олмон хонум Анке Конрад табрикномаи роҳбарияти Вазоратро ба унвони Сафири Тоҷикистон ва ҳозирин расонид.
АХБОРИ МОНАНД:
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Зиёдшавии маоши вазифавии кормандони соҳаҳои маориф, илм, фарҳанг ва иҷтимоӣ
Баргардонии шаҳрвандони Тоҷикистон аз Сурия
Ҳайати Тоҷикистон дар Форуми роҳбарони минтақаҳои СҲШ дар Тошканд иштирок мекунад
