Донишкадаи тиббии иҷтимоии Тоҷикистон дар самти кӯмак ба шахсони эҳтиёҷманд корҳои назаррасро анҷом дода, донишҷӯёнеро, ки шароити оилавиашон хуб нест, ба миқдори 35% — 50% аз маблағи шартнома озод намудааст. Як нафар ятими кул пурра (100%) аз пардохти маблағ озод шуд. Дар ин бора Ибодзода Заррина, Ректори Муассисаи таълимии ғайридавлатии “Донишкадаи тиббӣ-иҷтимоии Тоҷикистон имрӯз зимни нишасти хабарӣ ба рӯзноманигорон иттилоъ дод.
Бино ба зикри номбурда, дар донишкада дар шаш моҳи дуюми соли равон 940 нафар хонанда таҳсил намуда, аз ин теъдод 355 нафарро донишҷӯдухтарон ва 585 нафарро донишҷӯписарон ташкил медиҳанд.
Ҳамзмон, аз Ҷумҳурии Ӯзбекистон 4 нафар ва аз Ҷумҳурии Ҳиндустон 11 нафар донишҷӯён дар донишкада ба таълим фаро гирифта шуданд.
Маврид ба зикр аст, ки донишкада дар 5 факултет аз рӯи 5 самт: психологияи тиббӣ, кори иҷтимоӣ, кори табобатӣ, фармасевтӣ ва стоматалогӣ мутахассисони соҳаи тиб ва иҷтимоиро омода менамояд.
Мирсаиди Хайрулло
Радиои «Овози тоҷик»
АХБОРИ МОНАНД:
Донишгоҳи давлатии тиббии Тоҷикистон соҳиби сертификати мутобиқат ба стандарти Федератсияи умумиҷаҳонии таҳсилоти тиббӣ аст
Вориди вояҳои нави ваксинаи «Pfizer» ба кишвар
Ҷамолиддин Абдуллозода: истеҳсоли доруҳои ватанӣ афзоиш меёбад
АМИТ: Дар Тоҷикистон Озмоишгоҳи вирусологие ба истифода дода мешавад, ки дар Осиёи Миёна назир надорад
