Сафорати Тоҷикистон дар Россия вобаста ба марги ҷавони 21-солаи тоҷик, ки 7 августи соли ҷорӣ ҳангоми анҷом додани корҳои таъмирӣ дар як чоҳи канализатсионӣ, воқеъ дар кӯчаи Краснодарскаяи минтақаи Люблинои шаҳри Москва бар асари боришоти зиёди борон ба ҳалокат расид, дар саҳифаи расмии Сафорат дар шабакаи иҷтимоии Фейсбук ҳамдардии амиқи хешро ба наздикони марҳум изҳор намудааст.
Ба иттилои Сафорат, Намояндагии дипломатии Тоҷикистон барои расонидани кӯмакҳои зарурӣ ба наздикону пайвандони фавтида изҳори омодагӣ намудааст.
