Дар шаҳри Тошканд нахустин бор Ҷашнвораи байналмилалии муштараки оркестрҳои низомии кишварҳои узв ва нозири Созмони Ҳамкории Шанхай баргузор мешавад. Дар ин бора Вазорати мудофиаи Узбекистон иттилоъ додааст.
Дар ин ҷашнвора аллакай намояндагон аз Тоҷикистон, Чин, Беларус, Қирғизистон, Русия, Ҳиндустон дар гӯшаву канори пойтахти он кишвар ба бошандагон ҳунари хешро ба намоиш гузоштаанд.
Оркестри ҳарбии Вазорати мудофиаи Тоҷикистон барои бошандагону меҳмонони боғи “Ашхобод” барномаи фарҳангии худро пешкаш кардаанд.
Гуфта мешавад, ки ҳайати Тоҷикистон барои бошандагон асарҳои мусиқии классикони ҷаҳонӣ, мусиқии эстрадӣ ва ҷаз, инчунин машқҳои намоишӣ низ нишон додаанд.
Аксҳо аз маросими иштироки Ҷумҳурии Тоҷикистон
