Сафири Ҷумҳурии Тоҷикистон дар Олмон Имомудин Сатторов бо Мудири иҷроияи Кумитаи шарқии иқтисоди Олмон Михаэл Ҳармс вохӯрӣ намуд. Зимни мулоқот ҷонибҳо густариши ҳамкориҳои дуҷонибаро дар самти иқтисод баррасӣ намуданд.
Тавре радиои “Овози тоҷик” дар такя ба Сафорати Ҷумҳурии Тоҷикистон дар Олмон хабар медиҳад, дар рафти гуфтугӯ ҷонибҳо бештар ба ҷалби сармояи олмонӣ ва танзими чорабиниҳои муштараки тиҷоратӣ дар марҳилаҳои навбатӣ таваҷҷӯҳ зоҳир намуданд.
Тарафҳо роҷеъ ба табодули доимӣ ва идомаи ҳамкориҳои ҳасана байни Сафорат ва Кумитаи шарқии иқтисоди Олмон изҳори мувофиқат карданд.
Маврид ба зикр аст, ки фаъолияти Кумитаи шарқии иқтисоди Олмон ҳамчун Иттиҳодияи олмонии иқтисоди хориҷӣ ба пешбурди муносибатҳои иқтисодӣ бо кишварҳои Аврупои Марказӣ ва Шарқӣ, Аврупои Ҷанубу Шарқӣ, Қафқози Ҷанубӣ ва Осиёи Марказӣ нигаронида шудааст.
АХБОРИ МОНАНД:
Душанбе: Конференсияи байналмилалии «Макромайн» доир гардид
Муаррифии модели динамикии мувозинати умумии макроиқтисодӣ барои таҳияи дурнамои нишондиҳандаҳои макроиқтисодии Ҷумҳурии Тоҷикистон
Ёддошти тафоҳум миёни «Амонатбонк» ва «KazakhExport» ба имзо расид
“Помиринвест — 2022” қадаме ба сўйи рушди оянда
