Дар нимсолаи аввали соли равон беш аз 13 ҳазор нафар сайёҳони дохилӣ ва хориҷӣ ба истироҳатгоҳу осоишгоҳҳои шаҳри Гулистон ташриф оварда, ба муолиҷа фаро гирфита шуданд. Ин нуқта зимни боздиди Раиси вилояти Суғд Раҷаббой Аҳмадзода аз осоишгоҳи «Соҳил» иттилоъ дода шуд, хабар медиҳад Хадамоти матбуотии Раиси вилояти Суғд.
Зикр шуд, ки дар осоишгоҳи маъруфи «Соҳил айни замон корҳои сохтмонӣ идома дошта, дар он бинои нави иловагӣ бунёд мешавад. Бо сохта шудани бинои нав теъдоди катҳои осоишгоҳ ба 230 адад расид. Бо ба анҷом расидани корҳои сохтмонӣ барои муолиҷа ва табобату истироҳати муштариён дастгоҳҳои наву замонавӣ ворид ва насб карда хоҳад шуд.
Маврид аб зикр аст, ки дар шаҳри Гулистон теъдоди зиёди осоишгоҳҳо мавҷуд буда, дар соҳили Баҳри тоҷик барои истироҳату табобат беҳтарин шароит фароҳам оварда шудааст. Яке аз чунин осоишгоҳҳои маъруф «Соҳил» буда, айни замон сохтмони бинои иловагии он идома дорад.
