Ректори Донишгоҳи давлатии ҳуқуқ, бизнес ва сиёсати Тоҷикистон Муъмин Шарифзода тариқи маҷозӣ дар Форуми VI байналмилалии Осиёи Марказӣ, дар Форуми VI байналмилалии Осиёи Марказӣ иштирок намуд.
Тавре аз ДДҲБС хабар доданд, форуми мазкур аз тарафи Агентии мустақили аккредитатсия ва рейтинги Қазоқистон баргузор гардида, дар он намояндагони 13 давлат, аз ҷумла ИМА, Олмон, Туркия, Болгария, давлатҳои ИДМ ва Осиёи Марказӣ иштирок намуданд. Зимни ҳамоиш масъалаи ҳамкории байналмилалӣ дар фазои глобалии маориф баррасӣ шуд.
Муъмин Шарифзода дар мавзӯи «Аккредитатсияи байналмилалӣ ҳамчун шарти ворид шудан ба фазои таҳсилоти ҷаҳонӣ» маърӯза ироа намуд, ки ба масъалаҳои мубрами таъмини сифати таълим тавассути ҳамкории байналмилалӣ бахшида шуда буд.
Форуми байналмилалӣ имкон медиҳад, ки табодули таҷриба ва ақидаҳо дар самти таъмини сифати таълим ба роҳ монда шавад.
