Намояндагони Донишгоҳи ситии Малайзия ҷиҳати тақвияти ҳамкориҳо ба Донишгоҳи миллии Тоҷикистон ташриф оварданд. Аснои боздид аз донишгоҳ директори факултети меҳмоннавозӣ ва туризм Датин Путери Ҷуле ва директори Департаменти рушди тиҷорати байналмилалии донишгоҳи мазкур Соро Ошагӣ бо муовини аввал, муовини ректори ДМТ оид ба таълим Собирзода Н.М. ва сардори раёсати таълими донишгоҳ Қосимзода С.С. мулоқот намуданд. Дар ин бора сомонаи расмии донишгоҳ хабар дод.
Ба иттилои манбаъ, дар вохӯрӣ ҷонибҳо роҷеъ ба фаъолияти донишгоҳҳо ва рушди ҳамкориҳои илмию таълимии Донишгоҳи ситии Малайзия ва Донишгоҳи миллии Тоҷикистон иттилоъ доданд.
Зимнан тарафҳо барои мустаҳкам намудани равобити байналмилалӣ табодули афкор намуда, ҷиҳати омода намудани мутахассисион аз рӯйи равияи сайёҳӣ ва меҳмондорӣ, инчунин, ташкили ҳамоишҳои илмӣ-амалӣ дар ин самт таваҷҷуҳи вижа зоҳир намуданд.
Гуфта шуд, ки яке аз самтҳои муҳимми соҳаи маориф ин тайёр намудани мутаъассисон аз рӯи равияи сайёҳӣ ва меҳмондорӣ мебошад, ки омода намудани мутахассисон дар ин самт талаботи замони муосир мебошад.
АХБОРИ МОНАНД:
ДМТ: Устодон барои табодули таҷриба ба хориҷ мераванд
Хонандагони тоҷик дар олимпиадаи байналмилалӣ сазовори 1058 ҷойи ифтихорӣ шуданд
Шарҳи Амри Президенти Ҷумҳурии Тоҷикистон доир ба баргузории Озмуни ҷумҳуриявии ««Тоҷикон» — оинаи таърихи миллат» дар соли 2023
Шамсулло Тағоев омӯзгори беҳтарини ИДМ дар соли 2022 интихоб шуд
