Рӯзҳои 18 – 19 октябри соли равон дар шаҳри Душанбе Конфронси байналмилалии илмӣ – амалӣ дар мавзӯи «Логистика ва афзалияти он дар рушди робитаҳои нақлиётии Тоҷикистон бо давлатҳои минтақа» баргузор мегардад. Дар ин бора радиои “Овози тоҷик” дар такя ба Вазорати нақлиёти кишвар хабар медиҳад.
Конфронс бо ташаббуси Вазорати нақлиёти Ҷумҳурии Тоҷикистон баргузор гардида, дар он роҳбарону намояндагони сохторҳои соҳаи нақлиёту роҳ аз кишварҳои хориҷи дуру наздик, ҳамчунин мутахссисону олимони соҳаи роҳу нақлиёти ватанӣ ширкат меварзанд.
Зимни ҳамоиш иштирокдорон дар бахшҳои танзими фаъолияти давлатии таъмини логистика дасовардҳои илмӣ ва амалии фаъолияти логистика, таълим ва тарбияи мутахассисон оид ба таъминоти логистикӣ, рақамикунонии инфрасохтори логистика, мушкилоти ташкил ва инкишофи техникаи логистика, Таҷрибаи пешрафти ширкатҳо ва марказҳои нақлиётию логистикӣ, «Бонувон дар логистика: воқеият ва назар ба оянда — имкониятҳои захираи кадрии соҳа» — ро баррасӣ мекунанд.
Ҳамчунин дар доираи кори Конфронс истифодаи Ҳуҷҷати глобалии транзитӣ (GTrD) аз истгоҳи Кӯлоби КВД «Роҳи оҳани Тоҷикистон» роҳандозӣ хоҳад шуд.
АХБОРИ МОНАНД:
Сафорати Тоҷикистон дар Олмон Вебинар вобаста ба муҳити зист ва обу энергетика баргузор намуд
Президенти Ҷумҳурии Тоҷикистон Эмомалӣ Раҳмон бо Президенти Федератсияи Россия Владимир Путин суҳбати телефонӣ анҷом доданд
Дар Душанбе ҷаласаи XXV Шӯрои байниҳукуматии ИДМ оид ба иктишоф, истифода ва ҳифзи қаъри замин оғоз ёфт
Кумаки навбатии башардӯстонаи Пешвои миллат муҳтарам Эмомалӣ Раҳмон ба оилаҳои зарардидаи вилояти Суғд
