Дастаи ҷавонони Тоҷикистон (U-14) дар чемпионати CAFA-2022 севумин пирӯзӣ ба даст оварда, дар садри ҷадвал қарор гирифт.
Тими Тоҷикистон дар даври баъдӣ бар тими Эрон бо ҳисоби 2:0 пирӯз шуд. Дар ин бора радиои «Овози тоҷик» дар истинод ба ФФТ хабар медиҳад.
Дар рӯзи бозии ниҳоии мусобиқот рӯзи ҷумъаи 18 ноябр мунтахаби Тоҷикистон бо ҳамсолони худ аз Афғонистон бозӣ мекунад. Бозӣ соати 16:00 оғоз мешавад.
Ёдовар мешавем, ки қаблан Тоҷикистон бар дастаҳои Туркманистон бо ҳисоби 9:0 ва Узбакистон — 4:0 пирӯз шуда буд.
