Бо мақсади саҳм гузоштан дар амалӣ шудани ҳадафи чоруми миллӣ — саноатикунонии босуръати мамлакат дар шаҳри Истаравшан тадбирҳои муҳим амалӣ гардида, бунёди корхонаҳо идома дорад. Яке аз чунин корхонаҳо корхонаи истеҳсоли телевизион, мошинаи ҷомашӯӣ ва дигар таҷҳизоти техникӣ бо бренди «ORVIGA» аст. Маҳсулоти корхона воридотивазкунанда буда, метавонад бозори дохилиро бо маҳсулоти ватанӣ таъмин созад. Дар ин бора Хадамоти матбуотии Раиси вилояти Суғд хабар медиҳад.
Корхонаи мазкур аз ҷониби соҳибкор Ғанӣ Файзиев бунёд гардида, дар масоҳати зиёда аз 2 гектар сохта мешавад.
Раиси вилоят аз ҷараёни сохтмони корхонаи мазкур дидан намуда, ин ташаббусро дар самти бунёди корхонаҳо ва истеҳсоли маҳсулоти воридотивазкунанда истиқбол кард. Ӯ иброз дошт, ки дар шаҳри Истаравшан захириву имкониятҳо фаровон аст ва соҳибкорони шаҳр метавонанд фаъолона дар татбиқи ҳадафи чоруми миллӣ-саноатикунонии кишвар саҳм гузоранд.
Раиси вилоят ҳамзамон рафти бунёди Қасри фарҳанги шаҳрро мавриди таваҷҷуҳ қарор дода, барои дар муҳлати пешбинишуда ба анҷом расонидани корҳо ба роҳбарияти шаҳр супоришҳо дод.
АХБОРИ МОНАНД:
Суғд: Ҳаҷми истеҳсоли маҳсулоти саноатӣ ба 11,1 млрд. сомонӣ баробар шуд
Имкониятҳои иқтисодии вилояти Хатлон дар намоишгоҳи XII байналмилалии “Иннопром-2022” муаррифӣ шуд
Душанбе: Тоҷикистону Эрон ҳамкориҳои энергетикиро баррасӣ карданд
Тоҷикистону Швейтсария корхонаҳои муштараки нассоҷӣ таъсис медиҳанд
