Бонки рушди Авруосиё шумораи навбатии Шарҳи макроиқтисодиро муаррифӣ кард. Таҳлилгарон қайд мекунанд, ки иқтисодҳои минтақаи фаъолияти Бонки рушди Авруосиё рушди қавӣ нишон медиҳанд. Ба ин тартиб, афзоиши баландтарин дар иқтисод, тибқи баррасиҳо, ба Арманистон ва Тоҷикистон тааллуқ дорад. Дар ин бора радиои «Овози тоҷик» дар истинод ба Шарҳи макроиқтисодии Бонки рушди Авруосиё дар моҳи июл хабар медиҳад.
Тибқи маълумоти пешниҳодшуда, ба шарофати сарчашмаҳои дохилии рушд, ММД-и кишварҳои узви Бонки рушди Авруосиё дар моҳҳои январ-майи соли 2023 пас аз коҳиши 1,5% дар соли 2022 1,1% афзоиш ёфтааст.
Натиҷаҳои қавӣ дар ибтидои соли ҷорӣ, ба гуфтаи таҳлилгарон, натиҷаи ба таври кофӣ зуд мутобиқ шудани иқтисодҳо ба шароити тағйирёфтаи фаъолият дар соли 2022 ва дастгирии сиёсати буҷетӣ дар як қатор кишварҳо буд.
Ҳамин тариқ, иқтисоди кишварҳои Осиёи Марказӣ ва Арманистон дар соли ҷорӣ низ фаъолияти баланди иқтисодӣ нишон доданд. Ҳамин тариқ, аз рӯи натиҷаҳои панҷ моҳи соли 2023 ММД-и Ҷумҳурии Арманистон 12,5 фоиз, Ҷумҳурии Қазоқистон 4,5 фоиз, Қирғизистон 3,4 фоиз ва иқтисоди Тоҷикистон 8,2 фоиз афзоиш ёфт.
АХБОРИ МОНАНД:
«Инъикоси НБО Роғун дар асарҳои бадеӣ»- зери ин унвон дар Душанбе ҳамоиш доир шуд
Душанбе: Коршиносон рушди робитаҳои нақлиётии Тоҷикистонро бо давлатҳои минтақа баррасӣ хоҳанд кард
Суғд: Ба маблағи 1 млрд. 86,2 млн. доллар маҳсулот содирот гардид
Саридораи геология аз рӯи 22 лоиҳа корҳои минтақавӣ, гидрогеологӣ ва муҳандисию геологӣ анҷом дод
