Имрӯз дар Китобхонаи миллии Тоҷикистон бахшида ба Паёми Президенти Ҷумҳурии Тоҷикистон ба Маҷлиси Олии кишвар дар бораи самтҳои асосии сиёсати дохилӣ ва хориҷии ҷумҳурӣ мизи мудаввар бо иштироки мутахассисон баргузор гардид. Дар ин бора хабарнигори радиои “Овози тоҷик” Дилноза Сатториён хабар медиҳад.
Мизи мазкур бо сухани ифтитоҳии Ҷалолиддин Нурзода муовини директори Китобхонаи миллии Тоҷикистон оғоз гардида, номбурда афзуд, ки Паёми Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» дар баланд бардоштани сатҳи некӯаҳолии мардум, тақвияти ҳифзи иҷтимоии аҳолӣ, ҳимояи ҳуқуқу озодиҳои инсон ва шаҳрвандон, паст кардани сатҳи камбизоатӣ, инкишофи соҳаҳои гуногуни ҳаёти мамлакат ва умуман, дар рушди Тоҷикистони соҳибистиқлол нақши муассир дорад.
Дар Паёми худ Сарвари давлат муҳтарам Эмомалӣ Раҳмон самтҳои асосии сиёсати дохилию хориҷии мамлакатро барои давраҳои оянда муайян намуда, оид ба пешбурди манфиатбори сиёсати хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзи ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш ва сайёҳӣ вазифаҳои мушаххас гузоштанд.
