Имрӯз, 22 — юми октябр дар Осорхонаи миллии Тоҷикистон Намоишгоҳи байналмилалии «Китоби Душанбе» оғоз гардид. Дар намоишгоҳ ба ғайр аз ноширони ватанӣ, инчунин ноширону адибон аз Федератсияи Русия, Ҷумҳурии Халқии Чин, Ҷумҳурии Исломии Эрон, ҷумҳуриҳои Туркия, Туркманистон, Ӯзбекистон ва Ҳиндустон бо беҳтарин намунаҳои китобҳои муассисаҳои табъу нашри хеш иштирок доранд. Ноширони Тоҷикистон низ беҳтарин китобҳои тозанашри хешро барои алоқамандони китоб пешкаш менамоянд.Ёдовар мешавем, ки имсол дар Намоишгоҳ беш аз 40 ношир зиёда аз 5000 унвон китобҳои тозанашри худро дар риштаҳои адабиёти бадеӣ, адабиёти кӯдакона, осори илмӣ, таърихӣ, фарҳангу иҷтимоиёт ба алоқамандони китоб пешниҳод намуданд.
Ёдовар мешавем, ки намоишгоҳ то 24 — уми октябр идома меёбад.
